Ray & So 遊記

由於天文台預計颱風「海馬」將會於21日(原定出發日)正面吹襲香港，航空公司鑑於「海馬」來勢洶洶，在19日傍晚宣佈21、22日出發的航班都可以免費更改7日內出發的航班，晚上跟阿蘇商量一輪後決定提早一日(20日)出發。乘坐13:05起飛航機稍為延誤約17:30扺達福岡空港。

步出機場後乘坐免費連接巴士由國際航線航站樓到國內航線航站樓，落車後前行不遠便是地鐵站。

買過車票到月台等陣便有車。

坐地下鐵空港線兩個站到達博多駅，先到綠色窗口兌換 pass，今次使用 JR Rail Pass 是全國通票，除了鐵路JR渡輪及巴士都可以使用，不過這通票也有些局限就是新幹線「希望(Nozomi)號、「瑞穗(Mizuho)號」不適用，但問題不大，我出發前利用乘換案內已編排好所有車程。換好由明天開始的 pass 後順便預約部份列車的指定席。

出車站之後就要找預訂好的酒店，行左陣唔太識路便開 google map 幫手，最後亦算順利。

放好行李約8點打算到中洲屋台街食晚飯，坐地下鐵空港線由博多兩個站到中洲川端，車站主要分中洲和川端兩邊出口，問阿蘇那邊出佢話中洲，又畀佢講中，其實唔駛問阿貴(同阿蘇)，叫得中洲屋台街就梗係中洲出口啦。

出了車站前行到河邊轉左沿河行不久便到中洲屋台街。

那些屋台都很細大約能坐十個人而且大都滿座。

找了一間有中文菜單的點了明太子炒麵，餃子，燒豬肉同啤酒，埋單三千幾円唔算平，到屋台食飯試過就可了。