回程的一天,退房後去 Donguri 食點東西再搭車到名古屋。
十點九到 Donguri 還未開門營業,跟阿蘇在門口先研究餐牌。
十一點準時開門,點了午餐的意粉同漢堡扒,那個漢堡扒本身有跟意粉薯角,午餐再加白飯真係慌C你唔夠飽。
食飽後到松本駅乘坐 1151 開出的 JR 中央本線(特急),經過一百三十分鐘車程到達名古屋。
走出 JR 名古屋駅要過去名鉄名古屋駅搭名鉄到機場。
由名古屋到機場的鉄路有幾種唔同速度列車,最快廿八分鐘,我跟阿蘇坐了架最慢要四十八分鐘。
約三點一到達新特麗亞 名古屋中部國際機場。
乘坐 1840 班機這時已到機場確係好早,坐左陣等到航空公司開始辦理登機手續便即時去辦手續,辦好手續便上四樓藍天城,這裡分為燈籠街同紅磚街兩區,搭扶手電梯一上是燈籠街。
有很多商店食店的,之後出去展望台。
睇完展望台到紅磚街,又是購物餐飲的地方。
跟住又回到燈籠街那邊,這裡有間賣蝦餅的店舖價錢好似幾相宜,阿蘇買了些做手信。
買完蝦餅落番三樓銘品館睇睇,這裡貨品包裝都幾精美高檔但就沒合心水的,無所事事便早點過關。
過關後見免稅店門口有好多北海道特產,而店裡亦有其他特產,我跟阿蘇各有各忙在這裡係咁意買少少。
整理一下那些手信後去餐廳食點東西,這裡食物可選擇大細份量的,要了細碼鰻魚飯和拉麵,那個拉麵的湯底味道是出前一丁一樣的。
全站熱搜
留言列表