Ray & So 遊記

一早出發，開車去Victoria。 坐9點船，人同車都可以上船的。 65歲本地老人家有免費。 朋友爸媽有免費，一齊去玩。

2個人上船費CAN29.7，再加架車都要上船CAN49.25。加埋tax，2人單程都要CAN80.4。

上左船，走左出去睇風景，幾靚。

但係凍到跳舞。 影完相，快d入返去裡面坐。

大約90分鐘就到Victoria。 先去Macdonald食左一個魚柳包。 貴過香港好多。 一個包未計税CAN3.99（HKD35)， 套餐就CAN6.99(HKD62)。 冇辦法，肚餓都要食。

之後開車去Victoria Butchart Gardens，入場費連税CAN33.15。

裡面好多唔同種類的花，好靚。 感覺有d似歐洲。行左2個鐘都未行晒。

其實有local tour 去Victoria。 CAN90包船票同Butchart Gardens 門票， 加多CAN9包埋晏。 不過我唔鐘意鴨仔團，去Butchart Gardens 只得一個鐘左右，於是貴d都係自己去。

3pm 先食晏。 去到downtown商場的food court，睇極都唔知食乜。 最後食左 A&W 的Buddy Burger with Cheese CAN 3.3連税。

之後再去Government St，行左Legislature Building(議會大廈）。

仲有The Fairmont Empress Hotel。

去完China Town影下相都已經6點。 趕快開車去碼頭，坐7點船返去。

8:45pm先返到去，大家都好肚餓。 朋友爸爸知我前一日去完Stepho's食羊，流晒口水。 結果今晚又去過。 今次4個人，每人一份Roast Lamb。