約了七點半接團，但酒店早餐要七點才開始，那就快快趣食兩野去大堂等，等左幾分鐘有位領隊到來帶我們上車，上車時已有十幾位團友，再車去另一間酒店，再上了六位團友前後廿四個人到八點正式開車出發。
福建土樓分佈很廣的，如果要自己搭公共班車去一日來回時間很難就的，除非自己有車，否則跟團是很好的選擇，我跟這團收費168一人，同自己去所費差不多，行程有人安排好，也免自己傷腦筋，但一路車程不短的，前後坐左三個鐘九個字(中途有洗手位的)到了食午飯地方，這時已經十一點九了。
到了一個幾熱鬧的小鎮落車去食飯，食飯的地方其實有些不可思議的。
食完飯回去那小鎮上車，這時發覺有位團友唔見左，又等了十五分鐘，最後留低領隊搵佢我地先去景區。
車行了幾分鐘便到高北土樓群景區，一來便看土樓之王-承啟樓。
承啟樓是圈中有圈共四圈。
走上一樓看看，剛好見到內圈屋頂。
土樓內部建築還用了不少木材。
之後走上到最高一層，較清楚見到內圈。
睇完承啟樓便到旁邊的世澤樓，世澤樓是一座方形土樓，導遊話圓形土樓採光比方形更好。
睇一陣又趕住去睇博士樓，然後又睇五雲樓，鴨仔團的步伐真是很急趕的。
五雲樓曾受地震影響，內部要用鋼柱支撐的。
跟住到戲肉，導遊用上山來形容，就是上去觀景台，沿承啟樓後的石樓梯行，行左陣已經冇乜力，沿途聽到導遊講左幾次：快到了，我想咁即係到未呀？
行左起碼十層樓咁高到了觀景台，望向到處都有土樓的。
望向高北土樓群，咁辛苦行上黎也值的。
身水身汗行返落山，看到承啟樓的後面，真係幾大座的。
最後去僑褔樓，較新較細的一座。
睇完去個洗手間已經接近兩點三，兩點四便要上車，坐左咁耐車到黎留了不夠兩個鐘，怪不得只有鴨仔團才能即日來回，回程又要坐三個幾鐘頭車，我坐長途車的耐性尚算足夠，只是躉那兩團肉是缺乏的。
晚上想起昨日到過好大的美食廣場，找了架808巴士，去到先食點串燒，跟住同阿蘇一齊患上選擇困難症，唔知食乜好，最後搭番車返酒店附近找了間客家菜。
留言列表
