對於日本中部的印象是幾個月前從電視旅遊節目得到的，當中上高地的風景是最吸引我，剛好阿蘇八月時見有廉航特價機票到名古屋中部國際機場，便促成這次旅程。
乘坐 1025 航機諗住預早兩個鐘到機場完成登機手續再食個豐富早餐先上機，誰知到了航空公司櫃台一睇大排長龍，幾個目的地乘客擠在一起，花唔少時間才完成登機手續，上到機坐低發覺廉航機位確係幾窄，我對腳如果長多少少就坐唔落。
飛機起飛冇耐就有食物推介，阿蘇要了個杯麵 (盛惠 HK$25)，而我之前一晚去飲食到有點滯就唔食野住，在機上幾個鐘就靠填寫出入境表格同睇自己帶來的雜誌消磨時間。
航機幾準時 1520 降落，但過海關的手續就花了接近一個鐘頭，出到機場已經四點半，原本想過到步後先到機場四樓食晏先，但時間比預算遲便先去名古屋。
機場指示好清楚，好容易就搵到名鉄車站。
在自助售票機前睇左一陣毫無頭緒便到售票處買票，指手劃腳一輪我倆每人得到兩張車票，到了閘口跟阿蘇又研究下用那張車票入閘，最後知道細的車票(870円)是用作入閘的，大的車票是快車留位額外費用(360円)，這車票只要攝在前座預留位置給職員查票便可。
約1740到名古屋第一時間去買當日最夜(1940)到松本車票，買完車票差不多六點見仲有空檔就諗住去 TOKYU HANDS，不過行左陣行錯路。
經阿蘇指點行番去金鐘位置，高島屋百貨就在旁，而高島屋百貨四至十樓便是 TOKYU HANDS， 先坐電梯上十樓。
簡單來講 TOKYU HANDS 是我每次到日本都一定要花時間一到的地方，只是今次時間太趕未能詳細睇睇。
最後只是在 TOKYU HANDS 花了半小時(這裡只花半小時是太可惜的)，之後行番名古屋站又蕩失路，好在阿蘇識路。
在名古屋站買些鉄路便當便到月台。
唔肯定日本火車電鉄可唔可以食野之時我跟蘇只好坐在月台一路等車一路食個便當，約七點四可以比乘客上車時我見其他乘客帶便當上車食，我跟阿蘇便知這裡可以在車上進食的。兩個多小時車到達松本，落車時發覺氣溫比名古屋低好多，我跟阿蘇不禁倒抽一口涼氣。
晚上松本站附近好少人，先到巴士總站想買未來幾日車票但已經放工，再去酒店放低行李休息一陣，之後到酒店旁便利店買些宵夜。
留言列表
