Ray & So 遊記

昨晚執行李時找到張明洞購物的退稅單據，在酒店寄存行李後又走到現代百貨10樓，職員告知 Global-taxfree 這裡不受理，那就陣間到機場辦理，之後沿大街步行到弘大一帶，一路沒甚高樓大廈包圍路人亦很少，行了廿分鐘便見弘大入口站。

經過弘大入口站轉入內街不久到了一條購物街的地方，見有小食攤販買件炸餅試試。

這裡多是賣服飾亦有些賣小食的。

行行下見有間精品店舖入去睇下，這裡售賣的產品由設計師精心設計，既美觀又實用，全部都很有水準的。

行到一點幾回新村，今次唔行路搭地鐵，但搭錯方向到合井，諗住過對面月台搭對頭車但要出閘再入閘，搵唔到路之時阿蘇提議搭多個站睇睇，就試試搭多站到堂山站(今次有聽佢講)，中途在車箱還可欣賞漢江風景，到堂山站過對面月台搭對頭車回新村。

回到新村約兩點，找地方食午飯，入到一間自助麵店試用那部售票機，試左陣唔成功又站在一旁睇睇其他人點用，最後接近成功之際部機唔肯食我地張銀紙，還是找職員幫忙，跟阿蘇找個兩人位，食麵還要填咭選擇配菜，等食之時見到處都是食客塗鴉提字，我又提番份。

食完麵過對面現代百貨睇睇，地庫原來是個超市仲幾有規模，可惜臨走才發現。

回酒店到新村站搭地鐵到弘大入口站轉機鐵去機場，只在新村入口時行少少樓梯，其餘都找到升降機或扶手電梯。

過關後到退稅櫃台辦好退稅，這時醒起 T money 還剩少少錢，經過冬甩店見跟阿蘇兩張加埋剛好買到個冬甩，問問店員最初話要逐張計後來又接受，就用晒兩張咭餘額買件。

上到機先收看我最喜歡頻道，在機上打打機食食餐時間好快過。