Ray & So 遊記

瞓醒覺落去便利店買些包和杯麵，回房間再沖杯酒店㗎啡，之後出發去乘鞍高原。

跟昨天一樣先坐松本電鉄上高地線到新島島再轉巴士。

約 1150 到乘鞍高原觀光中心。

落車後還未知到那裡坐車上乘鞍山頂畳平，研究一輪後阿蘇話見觀光中心外好似有指示，走到觀光中心原來有詢問處便問問職員，原來就在觀光中心停車場有站，這時似乎夠鐘開車望下車站巴士未開(有職員見到我地)便快快趣走過去，好彩等埋我地先開車(下一班要一個鐘)。

車開行了一段時間見到已經上到幾高下，再前行見沿路樹木開始添加點秋色。

這時關掉 DC 的檢視功能放在車窗邊狂按快門，感覺好爽的。

接近山頂樹木又變回綠油油。

上到山頂第一感覺係好凍，之後行這裡最小兒科的山魔王岳。

這裡海拔二千七百米以上，上幾級樓梯就開始喘氣，上到唔係幾高拍些照就算。

影左陣相突然聽到我身上有陣 BB 聲，阿蘇問我乜事我話唔關我事，再睇下部相機就見到出事，相機又失靈，一時間解決唔到便先去食午飯。

到遊客中心二樓餐廳見有售票機但只有日文，跟阿蘇隨感覺選擇，又幾好喎。

食完飯研究下部相機，情況跟上年在首爾一樣鏡頭出問題，而阿蘇部相機因為帶錯义電座要留力，就決定佢部相機留番再去上高地先用而這兩日用住手機先，之後坐 1405 的巴士返落山。

到休暇村站落車，沿小路走進牛留池。

去完牛留池再跟指示去善五郎瀑布，走進一條有點崎嶇的小路行左好耐都搵唔到，最後放棄，坐 1607 的巴士回新島島轉鉄路返松本。

晚上到酒店旁 PARCO 行陣。

晚餐到出名抵食夾大件的 Donguri，這裡有種食物叫 Gratin 我同阿蘇唔知係乜有點興趣但最後冇要到。

回到酒店發現鞋頭底有些破裂走了好多沙泥進去。