Ray & So 遊記

早餐後到巴士總站坐 0835 巴士到高山，全車只有約十人，開車不久有點塞車，司機在適當路段稍為加速，最後延誤不到十分鐘約十一點到達。

手頭上資料看到如要去白川鄉就好難有時間遊高山，到售票處問問可否乘坐有班預約制 1125 開的車，如果可以的話就剛好夠時間去完白川鄉回高山行陣再坐 1610 巴士回松本，售票處回覆一定要坐 1150 巴士去白川鄉，這時只可選擇白川鄉或高山，即時未能二選一又有點空檔便先去古街睇睇。

經過中橋去古街，中橋是春天賞櫻的好地方。

走到古街差不多十一點半，要決定留在這裡還是去白川鄉，如果去白川鄉就要立即返車站，阿蘇決定唔到就由我決定留在這裡。

之後走進上三之町，上三之町是古街最熱鬧的一條街，有很多當地特產售賣。

每間店舖都有自己特色產品，亦有唔少賣清酒的。

行左陣見到坂口屋，這裡有提供價格相宜的飛驒牛，只是睇過餐牌相片見牛有點生便另找地方食飛驒牛。

走過上三之町見對面街有間好大的"些粉"，未見過咁大間，裡面仲有外借洗手間，而附近是宮川朝巿。

之後諗住去食飛驒牛，在宮川到車站一帶其實有唔少，不過價錢就........，找了一輪找了間算咁上下我倆共約五千円埋單的。

食完飯回到上三之町兜一轉便到巴士站準備坐 1510 巴士回松本。

返到松本去超巿買點東西做晚餐，另外又到無印買對鞋，之前都試過旅行時買鞋，但就未試過即買即著。