在酒店食過早餐約十點出發，行出酒店小路打車，一上的士司機叫一位剛才在街上向其他司機問路的男人上車，我心諗唔通日光日白咁猖狂，聽佢地對話是關於旅遊路線大約知那人是個遊客，落車時司機話唔收那一蚊燃油費跟錶收十三蚊，我45度向佢問：多了一個人坐車收我地十三蚊，為什麼? 佢跟住話早上打車難有時要拼車，最後佢話收十蚊，我同意便解決了。
火車站一帶好多包車拉客但不算太纏擾，坐上游5(306)路好快就開車，開車後售票員簡介路線，途中經過華清池有少數人落車，最後個零鐘到總站，落車後唔係好識路就跟住其他人行，沿路好多食店好快就到售票處。
門票已經加到 150，唔想行太多路又畀多每人五蚊坐車，而售票處或景區口都有很多講解員過來自薦的，普通話唔好就唔要了。
先去一號坑，入到去是一個不陌生的畫面，親眼睇還是壯觀的，難得是在這裡每個人都靜心欣賞。
較後排的有點破碎凌亂，又見有些士兵身形較窄但唔係廋有少少肚腩的。
在一號坑花了一個鐘，之後過去二號坑。
二號坑後面便是三號坑，好細的。
最後到陳列館，裡面好細的主要展品是兩部銅馬車，睇完便離開，這時旅行團陸續到來人山人海。
離開景區走了跟入來時另一條路，沿路是個廣場般遊客區的地方，途中找了間菜館食午餐，入到去服務員叫我們睇牆上照片點菜，我見冇標價錢就堅持睇菜牌，最後跟阿蘇各要了碗麵就算。
食完麵到上午落車的地方坐番游5(306)路回西安火車站，五點唔夠回到火車站，這裡私營大巴陣容比游車大好多的。
火車站一帶人流多有點雜，快快趣離開找了架巴士去城牆南門，見有站在文昌門落就諗住睇下如果文昌門可以上城牆的話就行到南門走，去到文昌門見唔到有地方可上去，問問人話要到南門上，就行兩步過去，這裡近碑林附近好多買字畫的攤檔。
入到南門 (又叫永寧門) 見有隊古裝士兵由城牆上落黎同遊客攪點氣氛的，跟阿蘇走上城牆，向外望是古今共融。
城牆就像無盡頭的一條路，這裡的租單車確係好節目，在這裡踩單車唔駛點轉彎的。
七點離開南門城牆，這時想到西安飯莊食多餐，到南門對開迴旋處一帶找車，但這位置截唔到的士只好等巴士，等左約廿分鐘有車，上車有售票大姐問搭去邊，我唔識講個站名只好同佢講搭兩個站，佢話：端履門，跟住阿蘇問佢係唔係到西安飯莊佢話：端履門往前行，到了車站大姐報站大叫：端履門~~端履門~~ 阿蘇話佢好似講粗口。
到了西安飯莊點了招牌葫蘆雞(唔同品種的雞唔同價錢，最貴二百幾，我地點最平98)，上湯娃娃菜，龍蝦丸同酥皮包，那隻葫蘆雞最先到，開頭唔知成隻點食，後來服務員過來幫佢解體。
全站熱搜
留言列表
