原先預計壼口會花兩日，故今日沒有安排行程，訓到十點幾起身，打算到市內閒遊。
打開地圖見到有個叫大明宮國家遺址公園的地方，面積很大又見地鐵有個大明宮西站就諗住搭地鐵過去(後來才知遊大明宮國家遺址公園正確是到火車站北，自強東路的丹鳳門入口)，西安地鐵去年九月投入服務，暫時只有未完全開通的二號線，車站車箱很新淨，每個站都有獨特裝飾和標誌。
由鐘樓站坐四個站到大明宮西站，出左站再依地圖方向行十幾分鐘，到了應是公園範圍但唔見有遊人來遊覽的，入去睇有一些遺址介紹。
那些遺址好多都是個小山丘，不遠處有很多地產項目。
這裡指示不是好清楚又怕地方太大行得入會盪失路，只在外圍行一陣便離開。
沿路返回坐地鐵到安遠門站，出站行幾步就見到安遠門，是城牆的北門，走過城門約一點，要找地方食飯，同阿蘇講過最少要到西安飯莊食一餐便打車過去。
這裡散座只有八張細台還好都唔駛等位，餐牌做得好靚有齊相片同口味簡介，點了菊花魚，歲月年輪(紅棗釀苦瓜，苦瓜是生的，初時食幾清新但食多幾件就覺有點草青味)，另羊腱，酥餅，肉夾饃可逐件點就每樣兩件，加枝啤酒埋單138人仔。
食完飯過對面馬路搭一個站巴士去鐘樓搭一個站地鐵到永寧門，永寧門是城牆南門，這時約三點烈日當空放棄登城牆只在外面看看就算，之後又搭地鐵去小雁塔。
由永寧門站搭一個站到南稍門站，出站後行一陣便到小雁塔北門，這裡亦是西安博物院所在地，入去時有職員告知先到門口有個取票處，用有效證件可領取免費門票的，取過門票一入去便見到小雁塔。
睇完小雁塔再向前行就到西安博物院，這裡地方唔大一陣就行完。
沿北門離開行兩步見有巴士站，這巴士站的巴士全部都經大雁塔，等一陣就有車，車到每個站司機都會大聲報站的，坐了七個站到大雁塔站落車，行左一小段路先見到大雁塔，跟住到大慈恩寺門外走走。
之後去大雁塔北廣場，沿路是一條商業步行街，很多賣紀念品和食店，係一個遊客區，在噴水池睇陣約六點半到旁邊KFC食個餐休息下。
七點半落番去噴水池等睇音樂噴泉，開場前搵到個幾好位置，八點半開場冇耐，站在那個幾好位置的人(包括我同阿蘇)係會畀噴泉水噴濕的，這時好多人都雞飛狗走，我見這音樂噴泉不算驚喜便同阿蘇走人，離開時找不到巴士就打的。
原本叫司機到鼓樓，但司機在南大街近鐘樓附近講左幾句放低我地(唔係好識佢講的普通話)，我地就行幾步順便又影下鐘鼓樓夜色，最後到酒店旁的菜館食晚飯，服務員推介當地特色燴三鮮，很多材料有菜，豆腐，肉丸，肉片...38蚊份量幾大的，唔係好肚餓又想食點野就點了份，再加兩枝啤酒(5蚊枝)埋單48。
全站熱搜
留言列表
